sábado, 24 de septiembre de 2022




PRESENTACIÓN INDIVIDUAL DE SOLICITUDE ANTE A XUNTA DE GALICIA SOBRE A MELLORA E DOTACIÓN DOS RECURSOS EDUCATIVOS NECESARIOS PARA O COLEXIO :

 CPI CRUZ DO SAR


É necesario dispoñer dun certificado electrónico, ou estar dado de alta en Chave365. Debe

disponerse dun ordenador con navegador web (Google Chrome, Firefox ou Explorer) instalado,

e a aplicación Autofirma instalada.


1. Aceder á Sede Xunta de Galicia: https://sede.xunta.gal/portada


Buscar o procedemento PR004A ou teclear directamente https://sede.xunta.gal/detalle-

procedemento?codtram=PR004A


2. Pinchar en Tramitar en liña, na parte inferior dereita


3. Identificarse na sede electrónica: Será necesario dispoñer de certificado electrónico

ou usar chave365. Pinchar en continuar


4. Cubrir o formulario. Algúns dos datos xa aparecerán completados. Móstranse as

pautas para cubrilo


5. Pinchar en Gardar para non perder a información e a continuación pinchar en

Continuar


6. Pinchar en continuar, sen anexar ningunha documentación


7. Pinchar en Asinar e enviar


8. Pinchar en continuar para iniciar o proceso de sinatura e asinar electrónicamente


9. Pinchar en Xustificante para a descarga deste. É importante dispoñer do xustificante

para acompañar despois ao resto de documentación que se aporte. Importante

dispoñer do número de Rexistro Electrónico da Xunta de Galicia




TAMÉN SE PODE PRESENTAR A TRAVÉS DA SEDE ELECTRÓNICA DO CONCELLO DE BERGONDO, OU DE CALQUERA OUTRA ENTIDADE. NO CASO DO CONCELLO DE BERGONDO


1. Aceder á Sede do Concello de Bergondo, a través do enlace:

https://sede.bergondo.gal/opencms/gl/ e escoller Solicitude Xeral


2. Pinchar en iniciar trámite (on line)


3. Pinchar en entrar Cl@ve


4. De forma similar ao caso anterior, será necesario dispoñer dun certificado electrónico

(neste caso só para identificarse, xa que non será necesario para asinar

electrónicamente) ou cl@ve PIN


5. Tras o acceso, móstrase a pantalla informativa do rexistro electrónico. Pinchar en

Documento a cumprimentar: Solicitude


6. Rechear os datos da solicitude de forma similar ao caso anterior


7. Pinchar en Seguinte, na parte inferior dereita do formulario e cubrir os datos de

exposición e solicitude como se indica

Debe especificarse de forma concreta o Asunto e o Destinatario


8. Pinchar en Gardar na parte inferior dereita. Móstrase a pantalla de anexado de

documentación. Pinchar de novo en Gardar e Avanzar na parte inferior dereita da

páxina sen anexar documentación


9. Sinalar a marca correspondente donde se mostra “Mediante este acto declaro ...” e

pinchar en Asinar con Cl@ve. Deixar que continúe o proceso de sinatura.


10. Mostrase o resultado final, no que se deberá ter en conta o número de rexistro e

descargar o xustificante de Presentación no botón da parte inferior da pantalla





 




A comunidade educativa de Bergondo mobilízase contra

o recorte de persoal de atención á diversidade e en E.

Primaria no CPI Cruz do Sar


 A APA As Mariñas denuncia o desleixo institucional ante o

incremento das matrículas de alumnado con diversidade

funcional

 A Consellería de Educación denegou a solicitude do centro dun

especialista en Pedagoxía Terapéutica, recorta a xornada do de

Audición e Linguaxe nunha alta porcentaxe de horas e

prescinde dun Mestre de Primaria.

 Está convocada unha mobilización o vindeiro xoves diante da

sede do Concello.


O CPI Cruz de Sar de Bergondo acolle este curso a máis de 350 alumnas e

alumnos nas súas aulas, máis non poderá enfrontar con garantías as

necesidades educativas de máis de 30 destes nenos e nenas con diversidade

funcional por mor da denegación dun segundo especialista en Pedagoxía

Terapéutica e o recorte da xornada na especialidade de Audición e

Linguaxe nunha alta porcentaxe.

O centro educativo bergondés comunicou ao remate do pasado curso as

necesidades de dotación do persoal docente, en base ás previsións realizadas

segundo as matriculacións. A súa xustificación contiña as motivacións técnicas

para cada caso, fundamentadas en informes de profesionais especializados, e

valorados, nalgúns casos, polo Servizo Galego de Atención a Dependencia. A

resposta da Consellería non chegou ata a primeira semana de setembro,

denegando a incorporación dun segundo especialista en Pedagoxía Terapéutica.

Por outra banda e malia as peticións do equipo directivo e docente, a situación

do centro, lonxe de mellorar, empeorou pola decisión da Consellería de 

Educación de reducir a dedicación do especialista en Audición e Linguaxe

no centro e prescindir dun Mestre de Primaria.

A Consellería fundamenta a súa decisión na dispoñibilidade de horas coas que

contan os docentes de Primaria pero a realidade é que as necesidades

específicas destas alumnas e alumnos con diversidade funcional non poden ser

atendidas deste xeito.

Por outra banda, estas decisións non só terán impacto nestes máis de 30 nenas

e nenos a quen se lles nega un profesor especialista. O recorte dun Mestre de

Primaria incrementará a carga de traballo do cadro docente actual, ao que

Educación pretende asignarlle tamén horas de reforzo para as necesidades

educativas especiais.

As nais e pais, reunidos en asemblea tras coñecer a resposta da Consellería,

rexeitaron esta decisión, que consideran arbitraria e que non responde a

fundamentos normativos. As familias lembran que esta decisión vulnera o

establecido no DECRETO 229/2011, do 7 de decembro, polo que se regula a

atención á diversidade do alumnado dos centros docentes da Comunidade

Autónoma de Galicia nos que se imparten as ensinanzas establecidas na Lei

orgánica 2/2006, do 3 de maio, de educación. O texto do decreto recolle no seu

articulado a adopción de medidas extraordinarias e de atención á diversidade

para dar resposta a necesidades educativas específicas que deberán ser

aplicadas una vez esgotadas as de carácter ordinario ou resultar insuficientes.

A demanda das familias, canalizada a través da APA As Mariñas conta co apoio

da totalidade do equipo directivo e docente do CPI Cruz do Sar, así como de

todas las asociacións do concello mariñán. Pola súa banda, todos os grupos

políticos da corporación municipal amosaron a súa disposición para axudar a

resolver este problema, así como a súa asistencia á concentración convocada

pola asociación de nais e pais, que terá lugar o vindeiro xoves as 9:15 horas

diante do consistorio bergondés, coincidindo coa celebración do Consello

Escolar Municipal ao que asistirá a Inspección de Educación.

O acto de protesta encádrase no calendario de mobilizacións deseñado pola

APA e está aberto a todas as veciñas e veciños, plataformas cidadás e

institucións, e súmase a outras concentracións que xa tiveron lugar o pasado

xoves, o venres e o luns diante do centro educativo. Asemade, as familias

iniciaron una campaña de recollida de sinaturas para denunciar a situación de

desamparo institucional, que pon en risco de exclusión educativa a nenas e

nenos de Bergondo e non desbotan iniciar outras accións de non mudar as

institución a súa política de aplicación da norma.


Para obter máis información pode dirixirse aos seguintes contactos: 606 75 87

49. María José Ferreño (presidenta APA AS MARIÑAS)


lunes, 28 de junio de 2021

BANCO DE LIBROS CURSO 2021-2022

 BANCO DE LIBROS CURSO 2021-2022


A APA “As Mariñas” vai continuar este curso 2021-2022 co BANCO SOLIDARIO DE LIBROS DE TEXTO.


Este Banco ten como obxectivo crear un fondo de libros de todos os cursos e asignaturas. Os libros deberán ter vixencia no curso 2021-2022 no CPI Cruz do Sar e estar en bo estado. Todo o alumnado e as súas familias pode participar entregando libros de texto de calquera curso, excepto 1º e 2º de Educación Primaria.


Os libros entregaranse ao Banco de xeito gratuito e definitivo, sendo a APA quen xestionará a recepción, custodia e adjudicación posterior dos mesmos.


Para ser beneficiario do Banco solidario de libros de texto é necesario cumprir os seguintes REQUISITOS:

  • Ser socio/a da APA
  • Ser doante de libros.



As solicitudes faranse única y exclusivamente vía online.


Acceso ao formulario de solicitude nesta ligazón.

En caso de ser varios irmáns, é necesario cubrir unha solicitude por alumno/a.



Ficha inscripción socios Curso 2021-2022 aquí.







jueves, 17 de diciembre de 2020

MASCARILLAS COVID-19

APA “As Mariñas” fará entrega de tres mascarillas reutilizables ao alumnado do CPI Cruz do Sar que non fora beneficiario das becas da Consellería de Educación. Esta entrega será posible grazas ao convenio de colaboración asinado co Concello de Bergondo. 


Por outra banda, a achega económica do Concello tamén permitiu a adquisición de diferente material e medios de protección fronte a Covid-19 para o noso centro.




martes, 13 de octubre de 2020

AVISO URXENTE SOBRE AS ACTIVIDADES EXTRAESCOLARES

Lamentamos anunciar ás familias que, ante o inminente cambio nas medidas respecto ao protocolo COVID-19 por parte da Consellería de Educación, vémonos obrigadas a retrasar a data de inicio das actividades extraescolares. Intentaremos por todos os medios que estean ao noso alcance que se podan iniciar ao longo do mes de novembro.


Por outra banda, isto nos permite ampliar o prazo de inscripción en ditas actividades. Podedes facelo na seguinte ligazón: INSCRIPCIÓN ACTIVIDADES EXTRAESCOLARES CURSO 2020-2021








lunes, 28 de septiembre de 2020

ACTIVIDADES EXTRAESCOLARES CURSO 2020-2021

As actividades darán comezo o 15 de outubro e rematarán o 28 de maio de 2021.

As prazas son limitadas e serán adxudicadas por orde de inscrición.


Os horarios expostos poderán sufrir variacións por necesidades de organización.



ACTIVIDADES EXTRAESCOLARES OFERTADAS




INSCRICIÓN NAS ACTIVIDADES

A partires de hoxe mesmo, podedes cumplimentar o formulario de inscrición nas actividades na seguinte ligazón. Este curso só poderá facerse online, por mor das circunstancias sanitarias. 


O prazo para cumplimentar as solicitudes rematará o 8 de outubro. 


Debido á crisis sanitaria que estamos a vivir e co obxectivo de acatar o protocolo de adaptación ao contexto da COVID-19 ditado pola Consellería de Educación, debemos manter os grupos-burbulla tamén nas actividades extraescolares. Agruparanse un máximo de 10 alumnos/as que deben cumprir o requisito de pertencer ao seu grupo de convivencia escolar (mesma aula). Tememos que esto obrigue a suspender certas actividades das que ofertamos, se non se inscriben o número suficiente de nenos e nenas para poder realizalas.


Sentimos moito que este curso non todos os alumnos e alumnas podan acceder ás actividades que desexan, sabendo tamén o importante deste tempo e espazo para a conciliación das familias, pero debemos priorizar as circunstancias sanitarias e facer todo o posible por garantir a saúde da nosa comunidade educativa neste contexto de pandemia.


Este ano, e co fin de minimizar riscos, as actividades impartiranse dúas horas seguidas na mesma tarde (coa excepción das clases de música). Non hai posibilidade de combinar actividades como en cursos anteriores.



NOTA RESPECTO A "FUN ENGLISH"

Ofértase de 1º a 4º de Primaria.


As nenas e nenos agruparanse en función do seu grupo-burbulla (mesma clase). Esto implica que a formación deses grupos depende do número de inscritos pertencentes á mesma aula. Non podemos garantir, por tanto, que se poda formar grupo para todos os que soliciten a actividade.


O precio da actividade é de 18€/mes para un día á semana (dúas horas). Pode solicitarse a inscrición para varios días. A posibilidade de que se poda formar ou non depende da circunstancia descrita no parragrafo anterior. 



ABONO DAS COTAS

Realizarase mediante ingreso/transferencia bancaria (nunca pagos en efectivo) e no seguinte número de conta.


ABANCA ES41 2080 0045 9230 4000 1481


Os pagos por trimestre facilitarían enormemente o traballo da tesourería. En caso de baixa devolverase o importe se xa fose abonado. Para darse de baixa nunha actividade é imprescindible avisar con quince días de antelación. En caso contrario, debe abonarse o mes no que cause a baixa na actividade. 


Mantense o desconto dun 20% sobre o custo das actividades para as familias numerosas que deben que deberán presentar o título acreditativo en vigor.



FORMULARIO INSCRICIÓN SOCIOS

Para poder acceder ás actividades é necesario cumplimentar a solicitude de inscrición de socio na seguinte ligazón, ademais de ter realizado o ingreso da cuota anual de 20 euros por familia no seguinte número de conta:


ABANCA ES41 2080 0045 9230 4000 1481



SERVIZO DE AUTOBUSES

Os autobuses financiados pola APA sairán do CPI Cruz do Sar ás 17:05 horas. Resulta imprescindible achegarnos unha autorización por escrito cando non sexan os pais/nais quenes recollan ao alumnado. Os rapaces e rapazas da ESO poderán baixar na súa parada sen depender dun adulto responsable. O servizo é de martes a venres.


O horario das actividades é de 15:00 a 17:00 h. (para Primaria) e de 15:45 a 17:00 h. (para Secundaria). Esto implica que a entrega do alumnado que non marche en autobús, ten lugar ao termo da actividade. Entendemos que algunhas veces poden darse imprevistos que impidan chegar con puntualidade, neses casos e para maior tranquilidade, agradeceríamos que o comuniquedes  ao APA ou ao centro. Se ninguén se presenta a recoller ao neno ou nena á hora de saída e non se localiza aos pais, transcorridos quince minutos de espera, informarase á Policía Local adoptando o protocolo de actuación establecido polo Consello Escolar do centro.



ESCOLA DE MÚSICA

Os horarios da escola de música concretaranse nunha reunión entre as familias e os profesores que terá lugar o 8 de outubro ás 16:00 h. na entrada do comedor do centro. Pregamos a asistencia de todos os interesados dada a importancia deste encontro.



Utilizaremos listas de difusión telefónica en cada actividade para enviar información urxente desde o teléfono 654048912. E imprescindible engadilo ao voso listado de contactos co fin de que vos cheguen esas comunicacións.



Para resolver calquera dúbida podedes escribir ao mail anpa.asmarinas@gmail.com ou consultar directamente aos teléfonos 606758749 ou 654048912



LIGAZÓNS:


SOLICITUDE INSCRICIÓN ACTIVIDADES 2020-2021


FICHA INSCRICIÓN SOCIOS 2020-2021



jueves, 3 de septiembre de 2020

Protocolo Covid e Actividades Extraescolares Curso 2020-2021

Tendo presente o último “Protocolo de Adaptación ao contexto da COVID-19 nos Centros de Ensino non universitario de Galicia para o curso 2020-2021” do 31 de agosto, a directiva desta Asociación de nais e país do CPI Cruz do Sar de Bergondo temos moitas dúbidas sobre cómo afectan ditas directrices á organización e xestión eficaz das actividades extraescolares.

A Consellería de Educación non contou coas ANPAS na elaboración do protocolo e non resulta claro respecto ás pautas e á organización das actividades extraescolares. 

Acordamos acatar dito protocolo da forma más restrictiva e literal, pola responsablidade que implica e que non podemos asumir como simples voluntarias dunha asociación de familias. Tememos que impedirá organizar moitas das actividades dado que será moi difícil respetar os denominados “grupos burbulla” nas extraescolares.

Ao tempo, cumpriremos coas indicacións que se desenvolverán en horario escolar, e que con tanto esforzo foron evaluadas por parte do equipo directivo, o profesorado e o concello.


A día de hoxe non temos instruccións por parte da Consellería, pero existen pautas de obrigado cumprimento:

.- manter os grupos de convivencia por aula (grupo 10 al.)

.- manter distancias interpersoais

.- hixiene de mans e entorno próximo

.- mascarillas

.- grupos con limitación de contactos en monitorado

.- non se permitirá acceder ás familias ao recinto escolar

.- a oficina da APA estará pechada ao público polas tardes, priorizaremos teléfono e correo electrónico

.- informaremos, polo miudo, do Plan de Actuación que implantaremos neste curso, unha vez o teñamos visado no Colexio, horarios, actividades, etc..

 

Co inicio de curso solicitaremos inscripción nas actividades, véndonos obrigados a facer selección por grupos de 10, respetando os grupos de convivencia escolar e adaptarémonos aos espazos dispoñibles e que cumplan cos requisitos do Protocolo.

Parécenos moi inxusto que non poidan conciliar todas as familias que necesiten esas actividades polas tardes, pero debemos priorizar a saúde na comunidade educativa do CPI Cruz do Sar. Modificaremos actuacións durante o curso seguindo coa evolución sanitaria e iremos  publicando as novas que se vaian producindo no blogue e nas nosas redes respecto ao Plan de Actuación que seguiremos neste curso coas actividades extraescolares.

Agardamos confiedes no meticuloso traballo que se está a desenvolver.

Xunta Directiva APA AS MARIÑAS



 

ENTREGA BANCO DE LIBROS 2020-2021

 Información sobre a entrega de libros do Banco da Apa:

.- Venres 4 setembro: recollida de libros de Educación Primaria en horario de 12:00 a 13:00 h. (con cita previa). 

.- Martes 8 setembro: recollida de libros de ESO en horario de 12:00 a 13:00 h. (con cita previa).




martes, 14 de julio de 2020

BANCO DE LIBROS CURSO 2020-2021

A APA “As Mariñas” vai continuar este curso 2020-2021 co BANCO SOLIDARIO DE LIBROS DE TEXTO.

Este Banco ten como obxectivo crear un fondo de libros de todos os cursos e asignaturas. Os libros deberán ter vixencia no curso 2020-2021 no CPI Cruz do Sar e estar en bo estado. Todo o alumnado e as súas familias pode participar entregando libros de texto de calquera curso, excepto 1º e 2º de Educación Primaria.

Os libros entregaranse ao Banco de xeito gratuito e definitivo, sendo a APA quen xestionará a recepción, custodia e adjudicación posterior dos mesmos.

Para ser beneficiario do Banco solidario de libros de texto é necesario cumprir os seguintes REQUISITOS:
  • Ser socio/a da APA
  • Ser doante de libros.

Este curso 2020-21 non disporemos de libros para 3º e 5º de Primaria.

As solicitudes faranse única y exclusivamente vía online para cumprir coas medidas hixiénicosanitarias impostas pola crisis do COVID-19.

Acceso ao formulario de solicitude nesta ligazón.
En caso de ser varios irmáns, é necesario cubrir unha solicitude por alumno/a.





martes, 9 de junio de 2020

DEVOLUCIÓN LIBROS DE TEXTO CURSO 2019-2020

Instrucións que deben seguir as familias para proceder a devolución dos libros de texto do curso 2019-2020:

  • Os libros procedentes do fondo solidario da Xunta e do Concello de Bergondo serán entregados no CPI Cruz do Sar nas quendas establecidas.
  • Os libros procedentes do Banco de Libros da Apa “As Mariñas”, serán devoltos nas mesmas datas na oficina da Apa.
  • O alumnado da ESO que non supere algunha materia na convocatoria de xuño, non devolverá os libros ata setembro.


 QUENDAS DEVOLUCIÓN LIBROS PRIMARIA 




 QUENDAS DEVOLUCIÓN LIBROS SECUNDARIA 




 DATAS PARA A RECOLLIDA DE CHEQUES 





Toda a información na web do CPI Cruz do Sar